RAJANIHUTA, DOLOK PARDAMEAN – Timbul rasa kecewa dohot haccit ni roha sian salah sada anggota kelompok tani di huta Rajanihuta, Kecamatan Dolok Pardamean, Kabupaten Simalungun, Sumatera Utara. Marbonsir mai i alani pambahenan ni pengurus na diduga dang adong transparansi ima na mambagihon bantuan bibit kopi tu angka anggotana.
Kejadian on mamungka uju adong bantuan bibit kopi na masuk tu kelompok tani i. Rencana awalna, ganup KK na masuk gabe anggota naung mambayar uang pendaftaran Rp 50.000 dijanjihon dapotan bantuan. Namun, dung sahat bibit kopi i, holan 15 halak sambing do na dibagihon, ima masing-masing dapotan 300 batang bibit kopi per KK.
Sada anggota na marupahon ina-ina mangingothon tu ketua kelompok tani marhite chat manukkun taringot bibit ni kopi i, alana ibana pe masuk do tu kelompok tani i. Namun, balasan sian pihak ketua mangakuhon holan 15 halak do na dapotan.
Dang piga leleng dung disusul barita i, ro ma tu jabuna istri ni ketua kelompok tani laho mambalikkon uang pendaftaran na Rp 50.000 i. Alasan na dibuat ketua i paulakkon hepeng, ima alani na “sakit asam lambung” ibana dung manjaha chat tagihan i.
”Molo menurutku, jelas adong rasa late (iri) di son. Hape takkas do diboto nasida songon dia au marungkil mamparngoluhon angka gellengku. Boasa ma dang dibahen 150 batang per KK asa sude dapotan molo na tutu marroha haholongan jala adil?” ninna anggota i marhite arsak ni rohana.
Mardongan jutni roha nang arsak ni rohana, anggotai pe marharapan situtu tu pemerintah, tarlumobi tu Dinas Pertanian dohot aparat penegak hukum asa pintar turun tu lapangan mangusut kejadian on.
Ibana mangido asa diusut tahi nasida dugaan ketidaktransparanan dohot ketidakadilan di bagasan pembagian bantuan bibit kopi on asa unang adong be pambahenan na mampaorot manang mangarugihon angka petani metmet di huta i.
Nang pe tarhirim rohana alani pambahenan ni ketua kelompok tani i, dang gabe metmet roha ni anggota i. Ibana marjanji jala martangiang asa gogo jala sehat-sehat badanna laho marulaon mangalului ngolu, asa boi dope panen kopi nang pe dang dapotan bantuan bibit sian kelompok tani i.
Alani jutni rohana nang arsak ni rohana mida ketidakadilan on, pola do gabe diposting ibana keluhanna on tu media sosial Facebook, asa gabe perhatian unang adong muse kejadian na songon tu joloan ni ari.
Kejadian on pe gabe perbincangan jala dapot perhatian sian torop masyarakat alani haporluon ni transparansi dohot pemerataan bantuan pemerintah manang kelompok tu angka petani na tutu maporluhon.
Sumber: Akun Fb @HevillaVebiolaNainggolan
